香港作家網

首先一定要再強調一下，我只係《叛神軍團》同《DSE幻想校園》嘅作者，
或者極其只是係一個網絡寫手，只係喺「香港作家網」做一個發佈自己故事的閒人。
(因為無JOB做~~哈哈~~)

今日就想分享一下自己諗咗一段時間嘅比喻：(玩下既即，唔好咁認真)

最近公司研究咗一種新藥，好勁！可以醫到癌症！係醫得好！最大嘅賣點就係只要一直食足五年，五年後一定會無事！

於是老細兼Sales就去醫院sale呢個產品。

接洽的人：「你無註冊，無可能要架喎。」

因為老闆只係用自己一手一腳嘅山寨物嚟製作，邊有錢同知識去做呢手續，唯有如黑市。

黑市接洽的人：「咁堅？癌症喎？唔係自瘡喎！」

老細：「一定得！放心啦！」

黑市接洽的人：「咁啦，你比小小我試下個市場先啦，我地呢啲同實際嘅市場唔同，唔知有無人要架... ...你唔收錢架呵？」

老細：「都可以唔收，最緊要睇下有無人願意用嘅即。比人知到已經好好... ...」

黑市接洽的人：「係喎，咁有無副作用？」

老細：「呢個就係第二個賣點！無任何副作用！」

黑市接洽的人：「咁你唔講清楚！呢個好得喎！」

老細：「... ...你份簡介表到無位寫，只係夠我寫個藥名。」

黑市接洽的人：「車！你早啲講呀！」

老細心諗，你肯見我先有得講架... ...

黑市接洽的人：「咁五年後就一定會好返？咁中間係咪已經健健康康？」

老細：「呀... ...同無食藥係無分別。」

黑市接洽的人：「咁得啦... ...(諗諗下唔對路)，無食藥無分別？」

老細：「係呀... ...無分別... ...」

黑市接洽的人：「... ...即係點？」

老細：「即係好似無做過任何治療咁... ...繼續任佢擴散囉... ...」

黑市接洽的人即時黑臉，

老細馬上再說：「但係只要過到五年就無事架啦！」

黑市接洽的人：「五年呀呵... ...你係咪有心玩嘢？」

老細無奈說：「咁... ...你份表格唔夠位寫... ...呀麻... ...」

(夠位都唔寫啦)

黑市接洽的人：「走喇走喇... ...運吉... ...」

咁身為老細，佢就更係知道藥有咩問題，但係一時三刻，要優化呢個藥品，係要時間同支援。

夢想就好似係一種，好可能你實現咗，但都唔會對呢個世界有咩幫助嘅嘢。(有幫助嘅個啲應該叫做理想，因為係可行嘅)

或者有朝一日，藥真係可以改變到呢個世界，足以影響醫學界嘅發展。

但呢一樣似乎都只可以留比醫學研究嘅人去做，即係有某種資格嘅人去做，

咁都無所謂，我嘅夢想只係想做啲救到人嘅藥出嚟，証明自己可以抗癌即... ...

咁我真係唔識製作特強無睡意嘅感冒藥去嚟比人買，(都要註冊咗先)

都有好多人有自己研發嘅新藥，就算係黑市都幾有市場呀，我應該都得掛？

唔通真係要製「藍精靈」、「十字架」先係我嘅本命咩？